И пакы в то же лѣто слашася по Юрга Володимириця Суздалю; а въ 23 того же мѣсяца положиша людье: солгаша бо, яко Святополкъ у города со плесковици; и выступиша весь град къ Синилищю, и не бысть ничтоже, а Святославлюю прияша в Новѣгородѣ с лучьшими мужи, а самого Святослава яша на пути смолнянѣ и стрѣжаху его на Смядынѣ в манастырѣ, якоже и жену его в Новѣгородѣ у святои Варварѣ в манастырѣ, ждущу Ярополку оправы съ Всеволодкомъ.

В лѣто 6660 [1152]. Априля въ 23 загорѣся церкви святого Михаила срѣд Торга, и много бысть зла; и погорѣ всь Торгъ и дворы до ручья, а сѣмо и до Славна, и сгорѣ церквии 8, 9-я Варязьская.